Episode 4: Frenemies

Ring-Ring!

"Hello!?" -Jha

"Hoy Jha, sensiya ka na medyo male-late ako sa kasi may dinaanan pa ako dito sa Nicoll Highway. Basta wait mo na lang ako dahil pupunta at pupunta ako." -Cheryl (nagmamadaling pinutol ang tawag)

"Hah!?" -Jha (speechless)

Naghintay pa ng ilang minuto si Jha sa isang restaurant sa Mall sa Serangoon. Mayat-maya ay lumapit ulit ang pinoy na waiter sa restaurant.

"Maam, nakapili na po ba kayo?" -waiter

"Sandali na lang kasi papunta pa lang yung friend ko dito." -Jha

"Sorry po maam ha kasi madami na pong customer na parating at we cannot afford you to sit here long na wala namang inoorder at kung meron man, may time limit na po ngayon." -waiter

Sa inis ni Jha umalis na siya sa restaurant. Habang naglalakad sa mall ay timawagan niya si Cheryl ngunit walang sumasagot. 

Pagkalipas ng ilang minuto ay nakita niya si Cheryl na nagmamadaling naglalakad. 

"Hay naku! Saan ka ba galing? Halos pumuti na yung mata ko sa kahihintay sayo sa resto?" -Jha

"Sorry talaga! Ganito na lang, kain na lang tayo sa hawker center treat ko." -Cheryl

Sa gutom ni Jha ay pumayag ito. Habang naglalakad papunta sa hawker ay nagtanong si Cheryl.

"Sis, sinabi mo noon na sobrang pangit ng ugali niyang si Alvin, paano naging malapit kayo sa isat-isa?" -Cheryl

"Ganito kasi yan..." -Jha

5 Years Before...

Iniwas ni Mina si Jha mula sa dalawang anak ng mga may-ari ng unibersidad dahil kung hinayaan niyang manatili pa siya doon ay baka kung ano na ang mangyari sa kanya.

"Paano siya naging anak ng may-ari ng school eh kung makapag-ugali ay parang nasa iskwater.?"-Jha

"So iskwater talaga? Sa gwapo niyang yan? Sa mga mamahaling kasuotan? Mamahaling phone? Iskwater talaga Jha?" -Mina

"Eeeeh..." -Jha

"Kalma na ok? Tara na sa canteen tutal di ka naman nakapasok sa first class mo, kain na lang muna tayo." -Mina

Nagtungo sila sa canteen at naabutan nila si Alexa na kanilang ka-roommate. Nagkamustahan sila at binanggit ni Mina kay Alexa ang tungkol kay Alvin.

"Sis, alam mo bang mainit ang ulot ni Jha sa classmate mong si Alvin?" -Mina

"Oh really? Mag-ingat ka kung siya ang makakaaway mo dahil baka pagsisihan mo lang ito for the rest of your life." -Alexa

"Bakit naman?" -Jha

"Hahaha! Joke! Mabait naman si Alvin, may pagkapilyo nga lang at mahilig lang siyang magbiro." -Alexa

"...at yung masamang biro pa ang ginawa sa akin. May araw din yang hayop na yan!" -Jha

Pagkalipas ng ilang araw.

Habang papa-uwi na si Jha ay nakita niyang basang-basa sa ulan si Alvin habang inaayos ang kanyang sasakyan. Tinitigan lang niya ito.

Mayat maya, huminto at sumuko na si Alvin sa pamkukumpuni ng kanyang sasakyan. Nagpatuloy si Jha sa kanyang paglalakad.

"Miss, miss, patulong naman po please." -Alvin

Hindi siya pinansin ni Jha at nagpatuloy ito sa paglalakad na parang walang naririnig at walang nakikitang tao. Nilapitan siya ni Alvin at hinarang.

"Miss, hindi ko alam kung bingi ka o nagbibingi-bingian."-Alvin

"Hoy!?" -Jha (nagulat)

"Kaya naman pala parang walang naririnig eh, si miss Luneta pala!" -Alvin

"Hmmp." -Jha

"Miss Luneta, kung ano man ang nagawa ko sayo please sorry na!" -Alvin

"Hah!? Hindi kita marinig!" -Jha

"Sorry na! Please, tulungan mo na ako. Makikituloy muna ako senyo at makikicharge ako ng phone ko pagkatapos magpapasundo ako sa driver namin." -Alvin

"Sa tingin mo mapapatawad kita ng ganun lang!?" -Jha

"Anong gusto mong gawin ko, luluhod pa ako!? Luma na kasi yun parang napanuod ko na kasi yun eh! Pero kung gusto mo di gagawin ko parin." -Alvin

Luluhod na sana si Alvin sa harap ni Jha nang...

"Ok na! Pinapatawad na kita! Tara sa apartment namin para makapagcharge ka na ng phone mo at makatawag ka na senyo at maka-uwi ka na!" -Jha (background music play "Ulan by rivermaya)

...itutuloy.