Present Time
Patuloy ang kwentuhan nina Cheryl at Jha sa hawker center tungkol sa nakaraan ni Jha kay Alvin.
"So pagkatapos nun, friend na kayo agad-agad? As in?" -Cheryl
"Yun din ang akala ko noon, pero hindi pa pala! Simula pa lang ng mga biro niya sa akin." -Jha
5 Years Before
Habang nagpapatuyo si Alvin at chinacharge ang kanyang phone sa apartment nila Jha, hindi pa rin maalis ni Jha ang tingin niya kay Alvin. Dahil napansin naman ni Alvin na panay ang titig sa kanya ay naghubad ito. Nanlaki nanaman ang mga mata ni Jha at napatingin siya kay Mina.
Tinanong siya ni Jha.
"Anong ginagawa mo?" -Jha
"Nagpapatuyo at di ako komportable sa damit ko dahil basang basa na talaga." -Alvin
"Baka okay na yung phone mo, tawagan mo na yung driver mo para makauwi kana." -Jha
"Pinapaalis mo na ba ako agad?" -Alvin
"Hah!? May sinabi ba akong umalis ka na?" -Jha
Sumabat naman si Alexa sa bangayan ng dalawa.
"Okay...stop it! Nagluto ako ng sopas dun, humigop ka muna ng sabaw klasmeyt para di ka magkasakit. Ikaw naman Jha, pahiramin mo ng towel si Alvin para di lalong lamigin." -Alexa
Habang pinakikinggan ni Jha si Alexa ay napatingin siya kay Alvin. Habang nakatingin kay Alvin ay kinindatan siya nito.
"Plinano mo ito ano?" -Jha
"Hah!? Nakita mo nangyari sa akin dun? Nasiraan nga ako diba? Paano ko naman iplaplano yun at sisirain ko pa mismo yung kotse ko para lang makakain ako ng sopas ni Alexa dito?" -Alvin (habang papalapit kay Jha)
Nagkalapit ang dalawa. Bigla naman siyang tinulak ni Jha sa kanyang gulat. Inawat naman silang dalawa ni Mina.
"Okay guys, tama na yan! Ready na ang sopas!" -Mina
Present time
"Tapos, anong nangyari pagkatapos niyong kumain ng sopas?" -Cheryl
"Nakauwi na siya dahil sinundo na siya ng kanilang driver." -Jha
"Wala man lang deep convo?" -Cheryl
"Wala! Ang mahirap nun, dun na nagsimula yung kalbaryo ko." -Jha
5 Years Before
Ang agang pumasok ni Jha sa kanilang school. Masaya siyang naglalakad, habang papalapit na siya sa building ng klase niya ay natamaan siya ng bola ng basketball.
"Aray!" -Jha (napatumba sa sahig)
Nilapitan siya ni Alvin at tinulungang tumayo.
"Miss Luneta, okay ka lang ba?" -Alvin
Napatingin siya ng masama kay Alvin at sinumbatan niya ito.
"May araw ka din Mr. NLEX! Nakakarating hanggang dito yung bola, marunong ka bang maglaro? Dahil kung hindi itigil mo na ang paglalaro." -Jha
"Tinatanong lang kita kung ok ka, ang dami mo nang sinabi!" -Alvin
"Bitawan mo ako!" -Jha
Galit na galit si Jha na papunta sa kanyang klase. Ang akala niya una pa lang yun sa mga biro sa kanya ni Alvin.
Kinabukasan, paglabas ng kanilang apartment ay laking gulat niya nang makita niya si Alvin na nakatayo sa harapan ng tirahan nila.
"Oh ano nanaman ang balak mo sa akin? Sasagasaan? Babatuhin ng bola?" -Jha
"Ay grabe! Nandito nga ako para makabawi sayo eh! Tara sakay ka, ihahatid na kita." -Alvin
Sa una ay ayaw pa ni Jha pero pumayag din ito dahil ayaw umalis ni Alvin sa harapan ng apartment nila.
Habang nasa loob ay tinanong ni Alvin si Jha.
"May probinsiya ka ba Jha?" -Alvin
"Hah!? Anong klaseng tanong yan? Siyempre meron naman, anong akala mo sa akin, alien?" -Jha
"Anong trabaho ng erpats at ermats mo?" -Alvin
Hindi kumibo si Jha dahil malapit na sila sa school.
"Oh bakit ayaw mo akong sagutin?" -Alvin
Pagkarating sa school ay agad na bumaba si Jha. Sa pagbaba ni Jha ay nakita niyang pinagtatawanan siya ng mga tao dahil sa nakasulat sa likuran nito. May nakakabit kasing papel at may nakasulat na "Sencya na, tanga lang!".
Tinanggal naman ito ng isa sa mga kaklase niyang si Irene.
"Iba talaga tong trip ni Alvin." -Irene
"Grrrrrr. Hindi pa tayo tapos Mr.. NLEX!!! Bakit mo ba ginagawa to sa akin?" -Jha
Ngumiti si Alvin.
"Ang cute mo kasi kapag nagagalit ka." -Alvin (sabay kindat)
Namula naman si Jha sa sinabi ni Alvin.
"Oh bakit parang namumula ka Jha? -Irene
"That guy is so weird!" -Jha (sabay turo kay Alvin)
Present Time
"Ayon eh! So kinilig ka naman sa mga sinabi niya sa iyo?" -Cheryl
"Una pa lang yun sa mga pakilig niya." -Jha
...itutuloy.
No comments:
Post a Comment