Episode 6: Larawan

Present Time

"Ay ang saya naman, nakakakilig pala ang istorya niyo." -Cheryl

"Noon yun! Wala na ngayon. Isa pa uwi na tayo, kanina pa tayong nandito eh wala na tayong kinakain." -Jha

"Kung gusto mo di mag-order pa tayo para magkwento ka pa?" -Cheryl

"Sira! Tara na!" -Jha

Umalis na silang dalawa sa hawker center na pinagkainan nila. Nagtungo na sila sa MRT station para mapabilis ang biyahe nila pauwi.

Habang naglalakad ay napatingin siya sa isang lalaking hawig na hawig kay Alvin. Sinundan niya ito hanggang sa paakyat ng hagdan. Alam niyang si Alvin ito dahil sa hawig na hawig niya ang katawan at nakapostura. Walang suot na shades pero nakasuot ng spectacles.

May kasama siyang babae, napakaganda ng kasama niya at parang isang model ng cosmetics.

Patuloy niyang hinabol ito ngunit hindi na niya naabot dahil bigla silang nawala.

Halos hinihingal naman si Cheryl na humabol kay Jha.

"Wait friend, ano ba kasi yun?" -Cheryl (hinihingal)

"Hah!? Eh nakita ko kasi yung kapitbahay namin sa Pinas, gusto ko sanang kausapin eh bigla namang nawala." -Jha

"Sigurado ka ba? Eh halos para ka ngang NBI kung makasunod kanina eh! Hindi kaya si Alvin yun? Hahaha!" -Cheryl (parang nang-aasar)

"Tara na nga! Uwi na lang tayo!" -Jha

Hindi makapaniwala si Jha sa kanyang nakita pero hindi din naman siya sigurado kung sino nga talaga ang kanyang nakita kayat umuwi na lang sila ni Cheryl.

Habang naglalakad sila patungo na sa kanilang tirahan ay tinanong ni Cheryl si Jha.

"Jha, si Alvin ba yung nakita mo kanina dun sa MRT station?" -Cheryl

"Hah!? Hindi ah! Diba sinabi ko na sayo na kapitbahay namin yung nakita ko kanina!?" -Jha

"Pero kung makahabol ka kasi eh parang someone you used to know." -Cheryl

"Hindi nga!" -Jha

Huminto si Cheryl sa paglalakad.

"Oh bakit huminto ka?" -Jha

"Sabihin mo na kasi yung totoo friend." -Cheryl

"Oo na! Pero hindi ako sigurado kung siya nga talaga yung nakita ko. Masaya ka na?" -Jha

"Sorry naman friend.  Diko naman alam na ganyan ang magiging reaction mo sa pangungulit ko. Pero hindi ka naman sigurado kung siya diba?" -Cheryl

Hindi na umimik si Jha at nakarating na sila sa kanilang tinutuluyang flat.

Pagdating nila ay agad na nagtungomsi Jha sa kanyang kuwarto. Sinundan naman siya ni Cheryl.

"Friend, okay ka lang ba?" -Cheryl

Hindi sumagot si Jha.

"Ano ba kasi ang itsura ng Alvin na yan para kung makita ko makausap ko." -Cheryl

Inilabas ni Jha ang isang folder na punong-puno ng ala-ala at inilabas ang mga larawan nila ni Alvin. Ipinakita din ni Jha yung larawan kay Cheryl.

Nagulat naman si Cheryl sa kanyang nakita dahil ang Alvin na binabanggit ni Jha ay isa sa mga kaibigan ng kanyang boyfriend na si Arman.

Inilihim ni Cheryl kay Jha na nakita na niya ang lalaking nasa larawan na kasintahan dati ni Jha.

"Friend, guwapo nga siya at medyo badboy ang image. Hayaan mo friend kung makita ko siya o makasalubong tatanungin siya kung anong merun sa inyong dalawa." -Cheryl

"Salamat Cheryl pero hayaan mo na. Tanggap ko ng wala na kami." -Jha

"Pero ayaw mo man lang ba na makausap siya kung sakali?" -Cheryl

"Para saan pa? Sa pagkawala niya? Hayaan na natin friend kung saan na siya masaya." -Jha

"Ay! Ang bilis naman ng pagbago ng ihip ng hangin sayo. Huwag kang mag-alala, kung makita ko tong lalaking to, kakausapin ko siya para sayo at hindi mo ako mapipigil dun." Cheryl (sabay tawa)

...itutuloy.